حفل عشاء بمناسبة سلامتهم
اقام الشيخ فيصل السواجي واخوانه مساء يوم الاربعاء الموافق 3/10/1435هـ في قريتهم البدائع بالمحاني مأدبة عشاء احتفالا بشفاء عمر بن معجب بن سفر بن ثعلي الروقي ومشعل بن سعد الله بن رزيق الثعلي الروقي .
وحضر الاحتفال جمع كبير من الاقارب والاصدقاء . حيث اقيمت امسيه شعريه بهذه المناسبه
ومن القصائد التي قيلت بهذه المناسبه السعيده
الليله الليله تزين التماثيل ** فيها الفرح عنوان لمناسبتها
يامرحبا ترحيب قدر الرياجيل ** نعتز بالاقراب ومشاركتها
تسابق الترحيب والبن والهيل ** والعود الازرق سيق في مقدمتها
على السلامه يالثنين المشاكيل ** سلامتن كل القلوب غمرتها
مشعل وابو نواف عقب المرض زيل ** تباشرت فيها قلوب رجتها
والحمد لله يوم صارت تساهيل ** واللي خلق خلقه كفيل بختها
وايضا قصيده للشاعر / صقر السواجي
عسى الله يزيل الهم عن خاطر المهموم ** واشوف الفرح ياطارق ترفرف اعلامه
عسى الله ياطارق يشفي ابوك ولك يدوم **وتسلم شرايينه وقلبه وصمامه
هذا مشعل اللي عن دروب الردى معصوم ** رفيق اللزوم ومسند العز وحزامه
من العاصمة جانا بشاير هذاه اليوم ** تعلمت عنه منير واعطاني علومه
ابو خالد اللي يقتنب ماهناه النوم *** يشاركه في همه ويتالم من الامه
وايضا قصيده مشاركه من الشاعر الشاب المبتديء / علي بن سفر بن مسيفر بن عتقان الثعلي
الليله الليله ماهي مثل الليالي كلها ** ليلة فرح مادم فيها الرجال الطيبين
يامرحبا ترحيبة يضفي على من حضر ظلها ** ترحيبة باسم الذي جنبه على الماقف متين
فيصل ولد مفرح زبون الاوله راع لها ** يتحمد لكم بالسلامه يالرجال الغانمين
سلمت يامشعل من جروح تزايد علها ** سلامتك فرحه لنا بين الرجال الوافيين
وسلامتك ياعمر من كل المخاطر كلها ** باذن الذي دايم لخلقه مقتدر وهو المعين
وختامها يامرحبا ترحيبة ما املها ** باهل الوفاء والطيب والناموس ذربين اليمين
كما تخلل الحفل قصائد متنوعه لكل من الشاعر فهد السواجي وايضا قصائد القاها الاخ غازي بن طلق بن سعد الثعلي وقصايد اخرى للشاعر المعروف ( عمهوج الهيلا) الشاعر / عيسى بن صقر السواجي
وكذالك قصيده للشاعر / عارف بن علي السواجي (شاعر الحجاز)
تابعوا صفحتنا على تويتر
njmthali@
